חסד ואמת נפגשו צדק ושלום נשקו׃

משכיל לאיתן האזרחי חסדי יהוה עולם אשירה לדר ודר אודיע אמונתך בפי׃

באו שעריו בתודה חצרתיו בתהלה הודו לו ברכו שמו׃

כי טוב יהוה לעולם חסדו ועד דר ודר אמונתו׃

יהוה אלהי אתה ארוממך אודה שמך כי עשית פלא עצות מרחוק אמונה אמן׃

תתן אמת ליעקב חסד לאברהם אשר נשבעת לאבתינו מימי קדם׃

תמך בישראל עבדו לזכר את רחמיו׃

כאשר דבר אל אבותינו לאברהם ולזרעו עד עולם׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

ואני אמר כי ישוע המשיח היה למשרת בני המילה למען אמת האלהים לקים את ההבטחות אשר לאבות׃

והגוים המה יכבדו את האלהים למען רחמיו ככתוב על כן אודך בגוים ולשמך אזמרה׃

זה הוא אשר בא במים ובדם ישוע המשיח לא במים לבד כי אם במים ובדם והרוח הוא המעיד כי הרוח הוא האמת׃