Psaumes 66:1
למנצח שיר מזמור הריעו לאלהים כל הארץ׃
Psaumes 66:4
כל הארץ ישתחוו לך ויזמרו לך יזמרו שמך סלה׃
Psaumes 67:3
יודוך עמים אלהים יודוך עמים כלם׃
Psaumes 86:9
כל גוים אשר עשית יבואו וישתחוו לפניך אדני ויכבדו לשמך׃
Esaïe 24:15
על כן בארים כבדו יהוה באיי הים שם יהוה אלהי ישראל׃
Esaïe 24:16
מכנף הארץ זמרת שמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃
Esaïe 42:10-12
10
שירו ליהוה שיר חדש תהלתו מקצה הארץ יורדי הים ומלאו איים וישביהם׃
11
ישאו מדבר ועריו חצרים תשב קדר ירנו ישבי סלע מראש הרים יצוחו׃
12
ישימו ליהוה כבוד ותהלתו באיים יגידו׃
Romains 15:11
ואומר הללו את יהוה כל גוים שבחוהו כל האמים׃
Apocalypse 15:4
מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃
Psaumes 148:11-14
11
מלכי ארץ וכל לאמים שרים וכל שפטי ארץ׃
12
בחורים וגם בתולות זקנים עם נערים׃
13
יהללו את שם יהוה כי נשגב שמו לבדו הודו על ארץ ושמים׃
14
וירם קרן לעמו תהלה לכל חסידיו לבני ישראל עם קרבו הללו יה׃
Psaumes 150:6
כל הנשמה תהלל יה הללו יה׃
Apocalypse 5:9
וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃
Apocalypse 7:9
אחרי כן ראיתי והנה המון רב אשר לא יכל איש למנותו מכל הגוים והמשפחות והעמים והלשנות ויעמדו לפני הכסא ולפני השה מלבשים שמלות לבנות וכפות תמרים בידיהם׃
Apocalypse 7:10
ויקראו בקול גדול לאמר הישועה לאלהינו הישב על הכסא ולשה׃