כי אתה יהוה עליון על כל הארץ מאד נעלית על כל אלהים׃

יהוה בציון גדול ורם הוא על כל העמים׃

הן גוים כמר מדלי וכשחק מאזנים נחשבו הן איים כדק יטול׃

כל הגוים כאין נגדו מאפס ותהו נחשבו לו׃

הישב על חוג הארץ וישביה כחגבים הנוטה כדק שמים וימתחם כאהל לשבת׃

למנצח על הגתית מזמור לדוד יהוה אדנינו מה אדיר שמך בכל הארץ אשר תנה הודך על השמים׃

כי גדל עד שמים חסדך ועד שחקים אמתך׃

רומה על שמים אלהים על כל הארץ כבודך׃

כי האמנם ישב אלהים על הארץ הנה השמים ושמי השמים לא יכלכלוך אף כי הבית הזה אשר בניתי׃

כה אמר יהוה השמים כסאי והארץ הדם רגלי אי זה בית אשר תבנו לי ואי זה מקום מנוחתי׃