למען תלך בדרך טובים וארחות צדיקים תשמר׃

טוב יפיק רצון מיהוה ואיש מזמות ירשיע׃

והנה איש ושמו יוסף והוא מן היעצים איש טוב וצדיק מן הרמתים עיר היהודים׃

כי איש טוב היה ומלא רוח הקדש ואמונה ויאספו לאדון עם רב׃

הן בעד הצדיק יקשה לאיש למות אכן למות בעד הטוב אולי ישאהו לבו׃

נער הייתי גם זקנתי ולא ראיתי צדיק נעזב וזרעו מבקש לחם׃

כל היום חונן ומלוה וזרעו לברכה׃

כי יהיה בך אביון מאחד אחיך באחד שעריך בארצך אשר יהוה אלהיך נתן לך לא תאמץ את לבבך ולא תקפץ את ידך מאחיך האביון׃

השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא׃

אם אמנע מחפץ דלים ועיני אלמנה אכלה׃

כי מנעורי גדלני כאב ומבטן אמי אנחנה׃

אם לא ברכוני חלצו ומגז כבשי יתחמם׃

אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃

אדם חסר לב תוקע כף ערב ערבה לפני רעהו׃

גם מתרפה במלאכתו אח הוא לבעל משחית׃

אל תהי בתקעי כף בערבים משאות׃

אם אין לך לשלם למה יקח משכבך מתחתיך׃

הכן בחוץ מלאכתך ועתדה בשדה לך אחר ובנית ביתך׃

על שדה איש עצל עברתי ועל כרם אדם חסר לב׃

ואחזה אנכי אשית לבי ראיתי לקחתי מוסר׃

ובא מתהלך רישך ומחסריך כאיש מגן׃

ידע תדע פני צאנך שית לבך לעדרים׃

גלה חציר ונראה דשא ונאספו עשבות הרים׃

ודי חלב עזים ללחמך ללחם ביתך וחיים לנערותיך׃

ויהי כאשר שבעו ויאמר אל תלמידיו אספו את פתותי לחם הנותרים למען לא יאבד מאומה׃

שקדו ואל תעצלו התלהבו ברוח עבדו את האדון׃

ועתה ראו והזהרו להתהלך לא ככסילים כי אם כחכמים׃

התהלכו בחכמה עם אשר בחוץ והוקירו את העת׃

ועל זאת מתפלל אנכי כי תרבה ותגדל אהבתכם בהשכל ובכל דעת׃