הללו יה אודה יהוה בכל לבב בסוד ישרים ועדה׃

הללו יה כי טוב זמרה אלהינו כי נעים נאוה תהלה׃

מלכי ארץ וכל לאמים שרים וכל שפטי ארץ׃

יהללו את שם יהוה כי נשגב שמו לבדו הודו על ארץ ושמים׃

הללו יה הללו אל בקדשו הללוהו ברקיע עזו׃

ראשית חכמה יראת יהוה שכל טוב לכל עשיהם תהלתו עמדת לעד׃

ידיהם ולא ימישון רגליהם ולא יהלכו לא יהגו בגרונם׃

ישראל בטח ביהוה עזרם ומגנם הוא׃

יראי יהוה בטחו ביהוה עזרם ומגנם הוא׃

יברך יראי יהוה הקטנים עם הגדלים׃

שיר המעלות אשרי כל ירא יהוה ההלך בדרכיו׃

רצון יראיו יעשה ואת שועתם ישמע ויושיעם׃

מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו׃

וחסדו לדור דורים על יראיו׃

אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

כי אם בתורת יהוה חפצו ובתורתו יהגה יומם ולילה׃

לעשות רצונך אלהי חפצתי ותורתך בתוך מעי׃

בחקתיך אשתעשע לא אשכח דברך׃

הדריכני בנתיב מצותיך כי בו חפצתי׃

ואשתעשע במצותיך אשר אהבתי׃

ואשא כפי אל מצותיך אשר אהבתי ואשיחה בחקיך׃

טפש כחלב לבם אני תורתך שעשעתי׃

טוב לי תורת פיך מאלפי זהב וכסף׃

כי לפי האדם הפנימי חפצתי בתורת אלהים׃

כי מחשבת הבשר היא המות ומחשבת הרוח היא החיים והשלום׃