השלח אמרתו ארץ עד מהרה ירוץ דברו׃

מגיד דברו ליעקב חקיו ומשפטיו לישראל׃

ויהי ישעיהו לא יצא העיר התיכנה ודבר יהוה היה אליו לאמר׃

שוב ואמרת אל חזקיהו נגיד עמי כה אמר יהוה אלהי דוד אביך שמעתי את תפלתך ראיתי את דמעתך הנני רפא לך ביום השלישי תעלה בית יהוה׃

ויען שר המאה ויאמר אדני נקלתי מבאך בצל קורתי אך דבר נא רק דבר ונרפא נערי׃

יהוה אלהי שועתי אליך ותרפאני׃

יהוה העלית מן שאול נפשי חייתני מיורדי בור׃

הסלח לכל עונכי הרפא לכל תחלאיכי׃

הגואל משחת חייכי המעטרכי חסד ורחמים׃

הרפא לשבורי לב ומחבש לעצבותם׃

ויאמר יהוה אל משה עשה לך שרף ושים אתו על נס והיה כל הנשוך וראה אתו וחי׃

ויעש משה נחש נחשת וישמהו על הנס והיה אם נשך הנחש את איש והביט אל נחש הנחשת וחי׃

אם יש עליו מלאך מליץ אחד מני אלף להגיד לאדם ישרו׃

רטפש בשרו מנער ישוב לימי עלומיו׃

אך אלהים יפדה נפשי מיד שאול כי יקחני סלה׃

כי הצלת נפשי ממות הלא רגלי מדחי להתהלך לפני אלהים באור החיים׃

פדה נפשי מעבר בשחת וחיתי באור תראה׃

להשיב נפשו מני שחת לאור באור החיים׃