18
ואל מי תדמיון אל ומה דמות תערכו לו׃
19
הפסל נסך חרש וצרף בזהב ירקענו ורתקות כסף צורף׃
20
המסכן תרומה עץ לא ירקב יבחר חרש חכם יבקש לו להכין פסל לא ימוט׃
21
הלוא תדעו הלוא תשמעו הלוא הגד מראש לכם הלוא הבינתם מוסדות הארץ׃
22
הישב על חוג הארץ וישביה כחגבים הנוטה כדק שמים וימתחם כאהל לשבת׃
23
הנותן רוזנים לאין שפטי ארץ כתהו עשה׃
24
אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם׃
25
ואל מי תדמיוני ואשוה יאמר קדוש׃