ראוך מים אלהים ראוך מים יחילו אף ירגזו תהמות׃

האירו ברקיו תבל ראתה ותחל הארץ׃

הרים כדונג נמסו מלפני יהוה מלפני אדון כל הארץ׃

מלפני אדון חולי ארץ מלפני אלוה יעקב׃

כקדח אש המסים מים תבעה אש להודיע שמך לצריך מפניך גוים ירגזו׃

ראיתי את הארץ והנה תהו ובהו ואל השמים ואין אורם׃

ראיתי והנה אין האדם וכל עוף השמים נדדו׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

העל זאת לא תרגז הארץ ואבל כל יושב בה ועלתה כאר כלה ונגרשה ונשקה כיאור מצרים׃

הרים רעשו ממנו והגבעות התמגגו ותשא הארץ מפניו ותבל וכל ישבי בה׃

לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו׃

לפניו ילך דבר ויצא רשף לרגליו׃

עמד וימדד ארץ ראה ויתר גוים ויתפצצו הררי עד שחו גבעות עולם הליכות עולם לו׃

ראוך יחילו הרים זרם מים עבר נתן תהום קולו רום ידיהו נשא׃

וארא כסא לבן וגדול ואת הישב עליו אשר מפניו נסו ארץ ושמים ולא נמצא להם מקום׃

יבא אלהינו ואל יחרש אש לפניו תאכל וסביביו נשערה מאד׃

יהוה הט שמיך ותרד גע בהרים ויעשנו׃

והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד׃

לוא קרעת שמים ירדת מפניך הרים נזלו׃

כקדח אש המסים מים תבעה אש להודיע שמך לצריך מפניך גוים ירגזו׃

וישנו ויאמרו הללויה ועשנה יעלה לעולמי עולמים׃