Psaumes 34:10
כפירים רשו ורעבו ודרשי יהוה לא יחסרו כל טוב׃
Job 38:39
התצוד ללביא טרף וחית כפירים תמלא׃
Esaïe 31:4
כי כה אמר יהוה אלי כאשר יהגה האריה והכפיר על טרפו אשר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃
Ezechiel 19:2-14
2
ואמרת מה אמך לביא בין אריות רבצה בתוך כפרים רבתה גוריה׃
3
ותעל אחד מגריה כפיר היה וילמד לטרף טרף אדם אכל׃
4
וישמעו אליו גוים בשחתם נתפש ויבאהו בחחים אל ארץ מצרים׃
5
ותרא כי נוחלה אבדה תקותה ותקח אחד מגריה כפיר שמתהו׃
6
ויתהלך בתוך אריות כפיר היה וילמד לטרף טרף אדם אכל׃
7
וידע אלמנותיו ועריהם החריב ותשם ארץ ומלאה מקול שאגתו׃
8
ויתנו עליו גוים סביב ממדינות ויפרשו עליו רשתם בשחתם נתפש׃
9
ויתנהו בסוגר בחחים ויבאהו אל מלך בבל יבאהו במצדות למען לא ישמע קולו עוד אל הרי ישראל׃
10
אמך כגפן בדמך על מים שתולה פריה וענפה היתה ממים רבים׃
11
ויהיו לה מטות עז אל שבטי משלים ותגבה קומתו על בין עבתים וירא בגבהו ברב דליתיו׃
12
ותתש בחמה לארץ השלכה ורוח הקדים הוביש פריה התפרקו ויבשו מטה עזה אש אכלתהו׃
13
ועתה שתולה במדבר בארץ ציה וצמא׃
14
ותצא אש ממטה בדיה פריה אכלה ולא היה בה מטה עז שבט למשול קינה היא ותהי לקינה׃
Amos 3:4
הישאג אריה ביער וטרף אין לו היתן כפיר קולו ממענתו בלתי אם לכד׃
Psaumes 147:9
נותן לבהמה לחמה לבני ערב אשר יקראו׃
Job 38:41
מי יכין לערב צידו כי ילדו אל אל ישועו יתעו לבלי אכל׃
Joël 1:18
מה נאנחה בהמה נבכו עדרי בקר כי אין מרעה להם גם עדרי הצאן נאשמו׃
Joël 1:20
גם בהמות שדה תערוג אליך כי יבשו אפיקי מים ואש אכלה נאות המדבר׃
Joël 2:22
אל תיראו בהמות שדי כי דשאו נאות מדבר כי עץ נשא פריו תאנה וגפן נתנו חילם׃