פודה יהוה נפש עבדיו ולא יאשמו כל החסים בו׃

כי הצלת נפשי ממות הלא רגלי מדחי להתהלך לפני אלהים באור החיים׃

תרננה שפתי כי אזמרה לך ונפשי אשר פדית׃

המלאך הגאל אתי מכל רע יברך את הנערים ויקרא בהם שמי ושם אבתי אברהם ויצחק וידגו לרב בקרב הארץ׃

והוכח במכאוב על משכבו וריב עצמיו אתן׃

יכל בשרו מראי ושפי עצמותיו לא ראו׃

אם יש עליו מלאך מליץ אחד מני אלף להגיד לאדם ישרו׃

רטפש בשרו מנער ישוב לימי עלומיו׃

ישר על אנשים ויאמר חטאתי וישר העויתי ולא שוה לי׃

הן כל אלה יפעל אל פעמים שלוש עם גבר׃

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃

כרחק מזרח ממערב הרחיק ממנו את פשעינו׃

ותחסרהו מעט מאלהים וכבוד והדר תעטרהו׃

כי תקדמנו ברכות טוב תשית לראשו עטרת פז׃

עטרת שנת טובתך ומעגליך ירעפון דשן׃

אשרי האיש העמד בנסיונו כי כאשר נבחן ישא עטרת החיים אשר הבטיח יהוה לאהביו׃

והיה בהגלות שר הרעים תשאו עטרת הכבוד אשר לא תבל׃