ויתנו בברותי ראש ולצמאי ישקוני חמץ׃

רעה אפר לב הותל הטהו ולא יציל את נפשו ולא יאמר הלוא שקר בימיני׃

השביעני במרורים הרוני לענה׃

ויגרס בחצץ שני הכפישני באפר׃

בגת אל תגידו בכו אל תבכו בבית לעפרה עפר התפלשתי׃

ילחכו עפר כנחש כזחלי ארץ ירגזו ממסגרתיהם אל יהוה אלהינו יפחדו ויראו ממך׃

היתה לי דמעתי לחם יומם ולילה באמר אלי כל היום איה אלהיך׃

האכלתם לחם דמעה ותשקמו בדמעות שליש׃

כי לפני לחמי אנחתי תבא ויתכו כמים שאגתי׃

פלגי מים תרד עיני על שבר בת עמי׃

עיני נגרה ולא תדמה מאין הפגות׃