יגעתי באנחתי אשחה בכל לילה מטתי בדמעתי ערשי אמסה׃

סורו ממני כל פעלי און כי שמע יהוה קול בכיי׃

כי החרשתי בלו עצמי בשאגתי כל היום׃

כי יומם ולילה תכבד עלי ידך נהפך לשדי בחרבני קיץ סלה׃

נפוגותי ונדכיתי עד מאד שאגתי מנהמת לבי׃

לבי סחרחר עזבני כחי ואור עיני גם הם אין אתי׃

בעורי ובבשרי דבקה עצמי ואתמלטה בעור שני׃

לב שמח ייטב גהה ורוח נכאה תיבש גרם׃

חשך משחור תארם לא נכרו בחוצות צפד עורם על עצמם יבש היה כעץ׃