חננני יהוה ראה עניי משנאי מרוממי משערי מות׃

למען אספרה כל תהלתיך בשערי בת ציון אגילה בישועתך׃

אספרה שמך לאחי בתוך קהל אהללך׃

הצילני מדמים אלהים אלהי תשועתי תרנן לשוני צדקתך׃

אדני שפתי תפתח ופי יגיד תהלתך׃

ואנחנו עמך וצאן מרעיתך נודה לך לעולם לדר ודר נספר תהלתך׃

ופדויי יהוה ישובון ובאו ציון ברנה ושמחת עולם על ראשם ששון ושמחה ישיגון נסו יגון ואנחה׃

אבל האלהים המלא רחמים ברב אהבתו אשר אהב אתנו׃

ויעירנו אתו אף הושיבנו במרומים במשיח ישוע׃

לו הכבוד בקרב הקהל במשיח ישוע לדר ודר עד עולמי עולמים אמן׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃