אין מתם בבשרי מפני זעמך אין שלום בעצמי מפני חטאתי׃

כי עוני אגיד אדאג מחטאתי׃

בתוכחות על עון יסרת איש ותמס כעש חמודו אך הבל כל אדם סלה׃

כי כלינו באפך ובחמתך נבהלנו׃

כי כל ימינו פנו בעברתך כלינו שנינו כמו הגה׃

צדיק הוא יהוה כי פיהו מריתי שמעו נא כל עמים וראו מכאבי בתולתי ובחורי הלכו בשבי׃

מה יתאונן אדם חי גבר על חטאו׃

נשא לבבנו אל כפים אל אל בשמים׃

נפלה עטרת ראשנו אוי נא לנו כי חטאנו׃

יהוה לנו בשת הפנים למלכינו לשרינו ולאבתינו אשר חטאנו לך׃

ולא שמענו בקול יהוה אלהינו ללכת בתורתיו אשר נתן לפנינו ביד עבדיו הנביאים׃

ויקם את דבריו אשר דבר עלינו ועל שפטינו אשר שפטונו להביא עלינו רעה גדלה אשר לא נעשתה תחת כל השמים כאשר נעשתה בירושלם׃

וישקד יהוה על הרעה ויביאה עלינו כי צדיק יהוה אלהינו על כל מעשיו אשר עשה ולא שמענו בקלו׃

ואנחנו ידענו כי כל מה שאמרה התורה מדברת אל אלה אשר תחת התורה למען יסכר כל פה והיה כל העולם מחיב לפני אלהים׃

ואני אמרתי בשלוי בל אמוט לעולם׃

יהוה ברצונך העמדתה להררי עז הסתרת פניך הייתי נבהל׃

אך בחלקות תשית למו הפלתם למשואות׃

כחלום מהקיץ אדני בעיר צלמם תבזה׃

מעודד ענוים יהוה משפיל רשעים עדי ארץ׃

יהוה מוריש ומעשיר משפיל אף מרומם׃

מקים מעפר דל מאשפת ירים אביון להושיב עם נדיבים וכסא כבוד ינחלם כי ליהוה מצקי ארץ וישת עליהם תבל׃

כי אם בא אתה עשה חזק למלחמה יכשילך האלהים לפני אויב כי יש כח באלהים לעזור ולהכשיל׃

נרדפים ולא נטושים משלכים ולא אבדים׃