תהלה לדוד ארוממך אלוהי המלך ואברכה שמך לעולם ועד׃

שמחו ביהוה וגילו צדיקים והרנינו כל ישרי לב׃

למנצח לבני קרח מזמור כל העמים תקעו כף הריעו לאלהים בקול רנה׃

עלה אלהים בתרועה יהוה בקול שופר׃

למנצח שיר מזמור הריעו לאלהים כל הארץ׃

כל הארץ ישתחוו לך ויזמרו לך יזמרו שמך סלה׃

לכו נרננה ליהוה נריעה לצור ישענו׃

נקדמה פניו בתודה בזמרות נריע לו׃

הריעו ליהוה כל הארץ פצחו ורננו וזמרו׃

המה ישאו קולם ירנו בגאון יהוה צהלו מים׃

מכנף הארץ זמרת שמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃

שירו ליהוה שיר חדש תהלתו מקצה הארץ יורדי הים ומלאו איים וישביהם׃

ישימו ליהוה כבוד ותהלתו באיים יגידו׃

רני בת ציון הריעו ישראל שמחי ועלזי בכל לב בת ירושלם׃

ויקרב אל מורד הר הזיתים ויחלו כל המון התלמידים לשבח את האלהים בשמחה ובקול גדול על כל הגבורות אשר ראו לאמר׃

ישמחו וירננו לאמים כי תשפט עמים מישור ולאמים בארץ תנחם סלה׃

ממלכות הארץ שירו לאלהים זמרו אדני סלה׃

הללו את יהוה כל גוים שבחוהו כל האמים׃

כי גבר עלינו חסדו ואמת יהוה לעולם הללו יה׃

הרנינו גוים עמו כי דם עבדיו יקום ונקם ישיב לצריו וכפר אדמתו עמו׃

והיה יהוה למלך על כל הארץ ביום ההוא יהיה יהוה אחד ושמו אחד׃

ואומר הרנינו גוים עמו׃