אם אצדק פי ירשיעני תם אני ויעקשני׃

כי לא איש כמני אעננו נבוא יחדו במשפט׃

לא יש בינינו מוכיח ישת ידו על שנינו׃

אמר אל אלוה אל תרשיעני הודיעני על מה תריבני׃

מי יתן ידעתי ואמצאהו אבוא עד תכונתו׃

אדעה מלים יענני ואבינה מה יאמר לי׃

שם ישר נוכח עמו ואפלטה לנצח משפטי׃

מי יתן לי שמע לי הן תוי שדי יענני וספר כתב איש ריבי׃

מספר צעדי אגידנו כמו נגיד אקרבנו׃

מדוע אליו ריבות כי כל דבריו לא יענה׃

אם ישים אליו לבו רוחו ונשמתו אליו יאסף׃

יגוע כל בשר יחד ואדם על עפר ישוב׃

הרב עם שדי יסור מוכיח אלוה יעננה׃

כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃

כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃

אמנם בן אדם מי אתה אשר תריב את האלהים היאמר יצר ליצרו למה ככה עשיתני׃

שגיאות מי יבין מנסתרות נקני׃

כי אפפו עלי רעות עד אין מספר השיגוני עונתי ולא יכלתי לראות עצמו משערות ראשי ולבי עזבני׃

אם נאמר כי אין בנו חטא הננו מתעים את נפשתינו והאמת אין בנו׃

כי אם לבבנו ירשיע אתנו האלהים נשגב הוא מלבבנו וידע את כל׃