אם רשעתי אללי לי וצדקתי לא אשא ראשי שבע קלון וראה עניי׃

כי אינני יודע בנפשי רע ובכל זאת לא אצדק כי הדן אתי הוא יהוה׃

אולם אני אדרש אל אל ואל אלהים אשים דברתי׃

אם אתה תשחר אל אל ואל שדי תתחנן׃

אמר אל אלוה אל תרשיעני הודיעני על מה תריבני׃

תעתיר אליו וישמעך ונדריך תשלם׃

כי אל אל האמר נשאתי לא אחבל׃

בלעדי אחזה אתה הרני אם עול פעלתי לא אסיף׃

כל תפלה כל תחנה אשר תהיה לכל האדם לכל עמך ישראל אשר ידעון איש נגע לבבו ופרש כפיו אל הבית הזה׃

ואתה תשמע השמים מכון שבתך וסלחת ועשית ונתת לאיש ככל דרכיו אשר תדע את לבבו כי אתה ידעת לבדך את לבב כל בני האדם׃

ויתפלל אליו ויעתר לו וישמע תחנתו וישיבהו ירושלם למלכותו וידע מנשה כי יהוה הוא האלהים׃

בבכי יבאו ובתחנונים אובילם אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא׃

ואתנה את פני אל אדני האלהים לבקש תפלה ותחנונים בצום ושק ואפר׃

הטה אלהי אזנך ושמע פקחה עיניך וראה שממתינו והעיר אשר נקרא שמך עליה כי לא על צדקתינו אנחנו מפילים תחנונינו לפניך כי על רחמיך הרבים׃

שם ישר נוכח עמו ואפלטה לנצח משפטי׃

אשר שמע חרפתו ולא השיב נענה ולא גער כי אם מסר דינו לשפט צדק ואת חטאתנו הוא נשא בגויתו על העץ׃