אולם אני אדרש אל אל ואל אלהים אשים דברתי׃

אם אתה הכינות לבך ופרשת אליו כפך׃

הסכן נא עמו ושלם בהם תבואתך טובה׃

אם תשוב עד שדי תבנה תרחיק עולה מאהלך׃

ושית על עפר בצר ובצור נחלים אופיר׃

כי אז על שדי תתענג ותשא אל אלוה פניך׃

ותגזר אומר ויקם לך ועל דרכיך נגה אור׃

ימלט אי נקי ונמלט בבר כפיך׃

וכהצר לו חלה את פני יהוה אלהיו ויכנע מאד מלפני אלהי אבתיו׃

ויתפלל אליו ויעתר לו וישמע תחנתו וישיבהו ירושלם למלכותו וידע מנשה כי יהוה הוא האלהים׃

דרשו יהוה בהמצאו קראהו בהיותו קרוב׃

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

שאלו וינתן לכם דרשו ותמצאו דפקו ויפתח לכם׃

כי כל השאל יקבל והדרש ימצא והדפק יפתח לו׃

לכן כמאמר רוח הקדש היום אם בקלו תשמעו׃

אל תקשו לבבכם כמריבה כיום מסה במדבר׃

לכן הכנעו לאלהים התיצבו נגד השטן ויברח מפניכם׃

התענו והתאבלו ובכו שחקכם יהפך לאבל ושמחתכם ליגון׃