האנוש מאלוה יצדק אם מעשהו יטהר גבר׃

אמנם ידעתי כי כן ומה יצדק אנוש עם אל׃

הטוב לך כי תעשק כי תמאס יגיע כפיך ועל עצת רשעים הופעת׃

הן אצעק חמס ולא אענה אשוע ואין משפט׃

כי אמר איוב צדקתי ואל הסיר משפטי׃

אף אמנם אל לא ירשיע ושדי לא יעות משפט׃

האף שונא משפט יחבוש ואם צדיק כביר תרשיע׃

אשר לא נשא פני שרים ולא נכר שוע לפני דל כי מעשה ידיו כלם׃

האף תפר משפטי תרשיעני למען תצדק׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

הצור תמים פעלו כי כל דרכיו משפט אל אמונה ואין עול צדיק וישר הוא׃

ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃

ואמרתם לא יתכן דרך אדני שמעו נא בית ישראל הדרכי לא יתכן הלא דרכיכם לא יתכנו׃

ואמרו בני עמך לא יתכן דרך אדני והמה דרכם לא יתכן׃

ואמרתם לא יתכן דרך אדני איש כדרכיו אשפוט אתכם בית ישראל׃

צדק ומשפט מכון כסאך חסד ואמת יקדמו פניך׃

וישקד יהוה על הרעה ויביאה עלינו כי צדיק יהוה אלהינו על כל מעשיו אשר עשה ולא שמענו בקלו׃

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

חלילה אבל יהי האל הוא הנאמן וכל האדם כזב ככתוב למען תצדק בדברך תזכה בשפטך׃

חלילה שאם כן איך ישפט האלהים את העולם׃

מה שדי כי נעבדנו ומה נועיל כי נפגע בו׃

יראו עינו כידו ומחמת שדי ישתה׃

לכן אנשי לבב שמעו לי חללה לאל מרשע ושדי מעול׃

אף אמנם אל לא ירשיע ושדי לא יעות משפט׃

אך שוא לא ישמע אל ושדי לא ישורנה׃

הרב עם שדי יסור מוכיח אלוה יעננה׃

ועז מלך משפט אהב אתה כוננת מישרים משפט וצדקה ביעקב אתה עשית׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

ואשמע את המזבח אמר אמנם כן יהוה אלהים צבאות אמת וצדק משפטיך׃