ויצא השטן מאת פני יהוה ויך את איוב בשחין רע מכף רגלו עד קדקדו׃

ויקח לו חרש להתגרד בו והוא ישב בתוך האפר׃

לשחת קראתי אבי אתה אמי ואחתי לרמה׃

ואחר עורי נקפו זאת ומבשרי אחזה אלוה׃

ישכחהו רחם מתקו רמה עוד לא יזכר ותשבר כעץ עולה׃

ברב כח יתחפש לבושי כפי כתנתי יאזרני׃

הרני לחמר ואתמשל כעפר ואפר׃

הבאישו נמקו חבורתי מפני אולתי׃

כי כסלי מלאו נקלה ואין מתם בבשרי׃

מכף רגל ועד ראש אין בו מתם פצע וחבורה ומכה טריה לא זרו ולא חבשו ולא רככה בשמן׃

הורד שאול גאונך המית נבליך תחתיך יצע רמה ומכסיך תולעה׃

ויכהו מלאך יהוה פתאם עקב אשר לא נתן הכבוד לאלהים ויאכלהו תולעים ויגוע׃

אז בשחת תטבלני ותעבוני שלמותי׃

ויצאו וראו בפגרי האנשים הפשעים בי כי תולעתם לא תמות ואשם לא תכבה והיו דראון לכל בשר׃

וזכרתם שם את דרכיכם ואת כל עלילותיכם אשר נטמאתם בם ונקטתם בפניכם בכל רעותיכם אשר עשיתם׃