למה יתן לעמל אור וחיים למרי נפש׃

השמחים אלי גיל ישישו כי ימצאו קבר׃

ותבחר מחנק נפשי מות מעצמותי׃

מאסתי לא לעלם אחיה חדל ממני כי הבל ימי׃

מי יתן בשאול תצפנני תסתירני עד שוב אפך תשית לי חק ותזכרני׃

לא אוכל אנכי לבדי לשאת את כל העם הזה כי כבד ממני׃

ואם ככה את עשה לי הרגני נא הרג אם מצאתי חן בעיניך ואל אראה ברעתי׃

והוא הלך במדבר דרך יום ויבא וישב תחת רתם אחת וישאל את נפשו למות ויאמר רב עתה יהוה קח נפשי כי לא טוב אנכי מאבתי׃

ועתה יהוה קח נא את נפשי ממני כי טוב מותי מחיי׃

ויהי כזרח השמש וימן אלהים רוח קדים חרישית ותך השמש על ראש יונה ויתעלף וישאל את נפשו למות ויאמר טוב מותי מחיי׃

ובימים ההם יבקשו בני אדם את המות ולא ימצאהו וישאלו את נפשם למות והמות יברח מהם׃

חנני חנני אתם רעי כי יד אלוה נגעה בי׃

כי יומם ולילה תכבד עלי ידך נהפך לשדי בחרבני קיץ סלה׃

הנה צרפתיך ולא בכסף בחרתיך בכור עני׃

שמע אלי יעקב וישראל מקראי אני הוא אני ראשון אף אני אחרון׃