שלו הייתי ויפרפרני ואחז בערפי ויפצפצני ויקימני לו למטרה׃

יפרצני פרץ על פני פרץ ירץ עלי כגבור׃

אספה עלימו רעות חצי אכלה בם׃

אשכיר חצי מדם וחרבי תאכל בשר מדם חלל ושביה מראש פרעות אויב׃

ולו הכין כלי מות חציו לדלקים יפעל׃

וישלח חציו ויפיצם וברקים רב ויהמם׃

כי תשיתמו שכם במיתריך תכונן על פניהם׃

כי חציך נחתו בי ותנחת עלי ידך׃

חציך שנונים עמים תחתיך יפלו בלב אויבי המלך׃

דרך קשתו ויציבני כמטרא לחץ׃

הביא בכליותי בני אשפתו׃

מזי רעב ולחמי רשף וקטב מרירי ושן בהמות אשלח בם עם חמת זחלי עפר׃

מהר ענני יהוה כלתה רוחי אל תסתר פניך ממני ונמשלתי עם ירדי בור׃

רוח איש יכלכל מחלהו ורוח נכאה מי ישאנה׃

ויקח אתו את פטרוס ואת יעקב ואת יוחנן ויחל להשמים ולמוג׃

ויאמר אליהם נפשי מרה לי עד מות עמדו פה ושקדו׃

ובשעה התשיעית ויצעק ישוע בקול גדול אלהי אלהי למה שבקתני אשר פרושו אלי אלי למה עזבתני׃

אשר בשערה ישופני והרבה פצעי חנם׃

ההפך עלי בלהות תרדף כרוח נדבתי וכעב עברה ישעתי׃

כי פחד אלי איד אל ומשאתו לא אוכל׃

עני אני וגוע מנער נשאתי אמיך אפונה׃

עלי עברו חרוניך בעותיך צמתותני׃

ועתה יען אשר ידענו יראת האדון נדבר על לב בני אדם ולאלהים אנחנו גלוים ואקוה כי גלוים אנחנו גם במדעכם׃