וברוח אפיך נערמו מים נצבו כמו נד נזלים קפאו תהמת בלב ים׃

נשפת ברוחך כסמו ים צללו כעופרת במים אדירים׃

הנני נתן בו רוח ושמע שמועה ושב לארצו והפלתיו בחרב בארצו׃

ויראו אפיקי מים ויגלו מוסדות תבל מגערתך יהוה מנשמת רוח אפך׃

והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד לך׃

לא יסור מני חשך ינקתו תיבש שלהבת ויסור ברוח פיו׃

ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

כי ערוך מאתמול תפתה גם הוא למלך הוכן העמיק הרחב מדרתה אש ועצים הרבה נשמת יהוה כנחל גפרית בערה בה׃

ואז יגלה הרשע אשר ימיתנו האדון ברוח שפתיו וישביתנו בהופעת ביאתו׃

שובה ואם לא כי עתה אבוא עליך מהרה ונלחמתי בם בחרב פי׃