הן בקדשו לא יאמין ושמים לא זכו בעיניו׃

אף כי נתעב ונאלח איש שתה כמים עולה׃

הן עד ירח ולא יאהיל וכוכבים לא זכו בעיניו׃

אף כי אנוש רמה ובן אדם תולעה׃

ברכו יהוה מלאכיו גברי כח עשי דברו לשמע בקול דברו׃

ברכו יהוה כל צבאיו משרתיו עשי רצונו׃

עשה מלאכיו רוחות משרתיו אש להט׃

שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו ובשתים יעופף׃

וקרא זה אל זה ואמר קדוש קדוש קדוש יהוה צבאות מלא כל הארץ כבודו׃

כי לא חס אלהים על המלאכים אשר חטאו כי אם הורידם לקצבי הרים ויסגירם בכבלי אפל לשמרם למשפט׃

והמלאכים אשר לא שמרו את משרתם כי אם עזבו את זבלם שמרם במוסרות עולם ובאפלה למשפט היום הגדול׃