גם לי לבב כמוכם לא נפל אנכי מכם ואת מי אין כמו אלה׃

אולם אני אל שדי אדבר והוכח אל אל אחפץ׃

שמעו נא תוכחתי ורבות שפתי הקשיבו׃

הן אלה קצות דרכו ומה שמץ דבר נשמע בו ורעם גבורתו מי יתבונן׃

והחכמה מאין תבוא ואי זה מקום בינה׃

ונעלמה מעיני כל חי ומעוף השמים נסתרה׃

מי זה מחשיך עצה במלין בלי דעת׃

מי זה מעלים עצה בלי דעת לכן הגדתי ולא אבין נפלאות ממני ולא אדע׃

ואחשבה לדעת זאת עמל היא בעיני׃

עד אבוא אל מקדשי אל אבינה לאחריתם׃

ואני בער ולא אדע בהמות הייתי עמך׃

פלאיה דעת ממני נשגבה לא אוכל לה׃

כי בער אנכי מאיש ולא בינת אדם לי׃

מי עלה שמים וירד מי אסף רוח בחפניו מי צרר מים בשמלה מי הקים כל אפסי ארץ מה שמו ומה שם בנו כי תדע׃

כי כעת מביטים אנחנו במראה ובחידות ואז פנים אל פנים כעת יודע אני קצתו ואז כאשר נודעתי אדע אף אני׃

אהובי עתה בנים לאלהים אנחנו ועוד לא נגלה מה נהיה אך ידענו כי בהגלותו נדמה לו כי נראהו כאשר הוא׃