מדוע רשעים יחיו עתקו גם גברו חיל׃

בתיהם שלום מפחד ולא שבט אלוה עליהם׃

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃

צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃

נטעתם גם שרשו ילכו גם עשו פרי קרוב אתה בפיהם ורחוק מכליותיהם׃

כי יודע יהוה להציל את חסידיו מנסיון ולחשך את הרשעים ליום המשפט להשיב גמולם להם׃

כי אמלט עני משוע ויתום ולא עזר לו׃

צדק לבשתי וילבשני כמעיל וצניף משפטי׃

אב אנכי לאביונים ורב לא ידעתי אחקרהו׃

כי דרש דמים אותם זכר לא שכח צעקת עניים׃

ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

שבר זרוע רשע ורע תדרוש רשעו בל תמצא׃

ישפט עניי עם יושיע לבני אביון וידכא עושק׃

כי יציל אביון משוע ועני ואין עזר לו׃

מתוך ומחמס יגאל נפשם וייקר דמם בעיניו׃

מזמור לאסף אלהים נצב בעדת אל בקרב אלהים ישפט׃

שפטו דל ויתום עני ורש הצדיקו׃

אל תגזל דל כי דל הוא ואל תדכא עני בשער׃

כי יהוה יריב ריבם וקבע את קבעיהם נפש׃

ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

כל אלמנה ויתום לא תענון׃

וחרה אפי והרגתי אתכם בחרב והיו נשיכם אלמנות ובניכם יתמים׃

ידעת כי יעשה יהוה דין עני משפט אבינים׃