בלא יומו תמלא וכפתו לא רעננה׃

זה ימות בעצם תמו כלו שלאנן ושליו׃

וזה ימות בנפש מרה ולא אכל בטובה׃

אשר קמטו ולא עת נהר יוצק יסודם׃

ויהי ער בכור יהודה רע בעיני יהוה וימתהו יהוה׃

וידע אונן כי לא לו יהיה הזרע והיה אם בא אל אשת אחיו ושחת ארצה לבלתי נתן זרע לאחיו׃

ויקחו בני אהרן נדב ואביהוא איש מחתתו ויתנו בהן אש וישימו עליה קטרת ויקרבו לפני יהוה אש זרה אשר לא צוה אתם׃

ותצא אש מלפני יהוה ותאכל אותם וימתו לפני יהוה׃

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃

ויקראו אל לוט ויאמרו לו איה האנשים אשר באו אליך הלילה הוציאם אלינו ונדעה אתם׃

ויהוה המטיר על סדם ועל עמרה גפרית ואש מאת יהוה מן השמים׃

ויהפך את הערים האל ואת כל הככר ואת כל ישבי הערים וצמח האדמה׃

לא תהיה קדשה מבנות ישראל ולא יהיה קדש מבני ישראל׃