שמעו חכמים מלי וידעים האזינו לי׃

כי אזן מלין תבחן וחך יטעם לאכל׃

אנשי לבב יאמרו לי וגבר חכם שמע לי׃

נאף אשה חסר לב משחית נפשו הוא יעשנה׃

פורע מוסר מואס נפשו ושומע תוכחת קונה לב׃

האל יעות משפט ואם שדי יעות צדק׃

מי פקד עליו דרכו ומי אמר פעלת עולה׃

שדי לא מצאנהו שגיא כח ומשפט ורב צדקה לא יענה׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

הצור תמים פעלו כי כל דרכיו משפט אל אמונה ואין עול צדיק וישר הוא׃

ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃

להגיד כי ישר יהוה צורי ולא עלתה בו׃

צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד׃

חלילה אבל יהי האל הוא הנאמן וכל האדם כזב ככתוב למען תצדק בדברך תזכה בשפטך׃

ואם עולתנו תרומם את צדקת האלהים מה נאמר הכי יש עול באלהים המשלח חרון אפו לפי דרך בני אדם אנכי מדבר׃

אם כן מה נאמר הכי יש עול באלהים חלילה׃

אל יאמר המנסה האלהים נסני כי האלהים איננו מנסה ברע והוא לא ינסה איש׃