Juges 16:5
ויעלו אליה סרני פלשתים ויאמרו לה פתי אותו וראי במה כחו גדול ובמה נוכל לו ואסרנהו לענתו ואנחנו נתן לך איש אלף ומאה כסף׃
1 Rois 11:4
ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביו׃
Néhémie 13:26
הלוא על אלה חטא שלמה מלך ישראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישראל גם אותו החטיאו הנשים הנכריות׃
Proverbes 2:16-19
16
להצילך מאשה זרה מנכריה אמריה החליקה׃
17
העזבת אלוף נעוריה ואת ברית אלהיה שכחה׃
18
כי שחה אל מות ביתה ואל רפאים מעגלתיה׃
19
כל באיה לא ישובון ולא ישיגו ארחות חיים׃
Proverbes 5:3-23
3
כי נפת תטפנה שפתי זרה וחלק משמן חכה׃
4
ואחריתה מרה כלענה חדה כחרב פיות׃
5
רגליה ירדות מות שאול צעדיה יתמכו׃
6
ארח חיים פן תפלס נעו מעגלתיה לא תדע׃
7
ועתה בנים שמעו לי ואל תסורו מאמרי פי׃
8
הרחק מעליה דרכך ואל תקרב אל פתח ביתה׃
9
פן תתן לאחרים הודך ושנתיך לאכזרי׃
10
פן ישבעו זרים כחך ועצביך בבית נכרי׃
11
ונהמת באחריתך בכלות בשרך ושארך׃
12
ואמרת איך שנאתי מוסר ותוכחת נאץ לבי׃
13
ולא שמעתי בקול מורי ולמלמדי לא הטיתי אזני׃
14
כמעט הייתי בכל רע בתוך קהל ועדה׃
15
שתה מים מבורך ונזלים מתוך בארך׃
16
יפוצו מעינתיך חוצה ברחבות פלגי מים׃
17
יהיו לך לבדך ואין לזרים אתך׃
18
יהי מקורך ברוך ושמח מאשת נעורך׃
19
אילת אהבים ויעלת חן דדיה ירוך בכל עת באהבתה תשגה תמיד׃
20
ולמה תשגה בני בזרה ותחבק חק נכריה׃
21
כי נכח עיני יהוה דרכי איש וכל מעגלתיו מפלס׃
22
עוונותיו ילכדנו את הרשע ובחבלי חטאתו יתמך׃
23
הוא ימות באין מוסר וברב אולתו ישגה׃
Proverbes 6:25
אל תחמד יפיה בלבבך ואל תקחך בעפעפיה׃
Proverbes 7:21
הטתו ברב לקחה בחלק שפתיה תדיחנו׃
Proverbes 22:14
שוחה עמקה פי זרות זעום יהוה יפול שם׃
Ecclesiaste 7:26
ומוצא אני מר ממות את האשה אשר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד בה׃
Job 24:15
ועין נאף שמרה נשף לאמר לא תשורני עין וסתר פנים ישים׃
Job 24:16
חתר בחשך בתים יומם חתמו למו לא ידעו אור׃
Jérémie 5:8
סוסים מיזנים משכים היו איש אל אשת רעהו יצהלו׃
Osée 7:4
כלם מנאפים כמו תנור בערה מאפה ישבות מעיר מלוש בצק עד חמצתו׃