אשר קצירו רעב יאכל ואל מצנים יקחהו ושאף צמים חילם׃

בשדה בלילו יקצירו וכרם רשע ילקשו׃

אף אני אעשה זאת לכם והפקדתי עליכם בהלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכם׃

אשה תארש ואיש אחר ישגלנה בית תבנה ולא תשב בו כרם תטע ולא תחללנו׃

בניך ובנתיך נתנים לעם אחר ועיניך ראות וכלות אליהם כל היום ואין לאל ידך׃

והיה אם זרע ישראל ועלה מדין ועמלק ובני קדם ועלו עליו׃

כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשחתה׃

אתה תזרע ולא תקצור אתה תדרך זית ולא תסוך שמן ותירוש ולא תשתה יין׃

ירחקו בניו מישע וידכאו בשער ואין מציל׃

לא יסור מני חשך ינקתו תיבש שלהבת ויסור ברוח פיו׃

לא נין לו ולא נכד בעמו ואין שריד במגוריו׃

יהי אחריתו להכרית בדור אחר ימח שמם׃