חטאתי מה אפעל לך נצר האדם למה שמתני למפגע לך ואהיה עלי למשא׃

ומה לא תשא פשעי ותעביר את עוני כי עתה לעפר אשכב ושחרתני ואינני׃

אם חטאתי ושמרתני ומעוני לא תנקני׃

ויגאה כשחל תצודני ותשב תתפלא בי׃

העלה נדף תערוץ ואת קש יבש תרדף׃

ותשם בסד רגלי ותשמור כל ארחותי על שרשי רגלי תתחקה׃

אפו טרף וישטמני חרק עלי בשניו צרי ילטוש עיניו לי׃

יסגירני אל אל עויל ועל ידי רשעים ירטני׃

יסבו עלי רביו יפלח כליותי ולא יחמול ישפך לארץ מררתי׃

דעו אפו כי אלוה עותני ומצודו עלי הקיף׃

ארחי גדר ולא אעבור ועל נתיבותי חשך ישים׃

הלעולמים יזנח אדני ולא יסיף לרצות עוד׃

השכח חנות אל אם קפץ באף רחמיו סלה׃

כל מאהביך שכחוך אותך לא ידרשו כי מכת אויב הכיתיך מוסר אכזרי על רב עונך עצמו חטאתיך׃

ויאל אלוה וידכאני יתר ידו ויבצעני׃

הברב כח יריב עמדי לא אך הוא ישם בי׃

לך זרוע עם גבורה תעז ידך תרום ימינך׃

השפילו נפשכם תחת יד אלהים החזקה למען ירומם אתכם בעתו׃