והוכח במכאוב על משכבו וריב עצמיו אתן׃

יכל בשרו מראי ושפי עצמותיו לא ראו׃

חנני יהוה כי אמלל אני רפאני יהוה כי נבהלו עצמי׃

שובה יהוה חלצה נפשי הושיעני למען חסדך׃

יגעתי באנחתי אשחה בכל לילה מטתי בדמעתי ערשי אמסה׃

כי חציך נחתו בי ותנחת עלי ידך׃

כי עונתי עברו ראשי כמשא כבד יכבדו ממני׃

נעויתי שחתי עד מאד כל היום קדר הלכתי׃

נפוגותי ונדכיתי עד מאד שאגתי מנהמת לבי׃

אם שכבתי ואמרתי מתי אקום ומדד ערב ושבעתי נדדים עדי נשף׃

אלהי אקרא יומם ולא תענה ולילה ולא דומיה לי׃

שויתי עד בקר כארי כן ישבר כל עצמותי מיום עד לילה תשלימני׃