כמו שבלול תמס יהלך נפל אשת בל חזו שמש׃

אוי לי אמי כי ילדתני איש ריב ואיש מדון לכל הארץ לא נשיתי ולא נשו בי כלה מקללוני׃

תן להם יהוה מה תתן תן להם רחם משכיל ושדים צמקים׃

כי אתה גחי מבטן מבטיחי על שדי אמי׃

עליך השלכתי מרחם מבטן אמי אלי אתה׃

עליך נסמכתי מבטן ממעי אמי אתה גוזי בך תהלתי תמיד׃

כי אתה קנית כליתי תסכני בבטן אמי׃

לא נכחד עצמי ממך אשר עשיתי בסתר רקמתי בתחתיות ארץ׃

שמעו אלי בית יעקב וכל שארית בית ישראל העמסים מני בטן הנשאים מני רחם׃