ולמה מרחם הצאתני אגוע ועין לא תראני׃

כאשר לא הייתי אהיה מבטן לקבר אובל׃

כי עצר עצר יהוה בעד כל רחם לבית אבימלך על דבר שרה אשת אברהם׃

וירא יהוה כי שנואה לאה ויפתח את רחמה ורחל עקרה׃

ולחנה יתן מנה אחת אפים כי את חנה אהב ויהוה סגר רחמה׃

אם יוליד איש מאה ושנים רבות יחיה ורב שיהיו ימי שניו ונפשו לא תשבע מן הטובה וגם קבורה לא היתה לו אמרתי טוב ממנו הנפל׃

גם שמש לא ראה ולא ידע נחת לזה מזה׃

אשר לא מותתני מרחם ותהי לי אמי קברי ורחמה הרת עולם׃

לו שקול ישקל כעשי והיתי במאזנים ישאו יחד׃

כי עתה מחול ימים יכבד על כן דברי לעו׃

נקטה נפשי בחיי אעזבה עלי שיחי אדברה במר נפשי׃

גם היום מרי שחי ידי כבדה על אנחתי׃

והסר כעס מלבך והעבר רעה מבשרך כי הילדות והשחרות הבל׃