אם תבקשנה ככסף וכמטמונים תחפשנה׃

ונתתי את לבי לדרוש ולתור בחכמה על כל אשר נעשה תחת השמים הוא ענין רע נתן אלהים לבני האדם לענות בו׃

הלוא הנה מאת יהוה צבאות וייגעו עמים בדי אש ולאמים בדי ריק יעפו׃

אך בקשו בראשונה את מלכות אלהים ואת צדקתו ונוסף לכם כל אלה׃

וישבח האדון את פקיד העולה על אשר הערים לעשות כי בני העולם הזה ערומים הם בדורם מבני האור׃

בטרם אלך ולא אשוב אל ארץ חשך וצלמות׃

ארץ עפתה כמו אפל צלמות ולא סדרים ותפע כמו אפל׃

מגלה עמקות מני חשך ויצא לאור צלמות׃

הבאת עד נבכי ים ובחקר תהום התהלכת׃

הנגלו לך שערי מות ושערי צלמות תראה׃