כי תאמרו איה בית נדיב ואיה אהל משכנות רשעים׃

כי ליום איד יחשך רע ליום עברות יובלו׃

יש הבל אשר נעשה על הארץ אשר יש צדיקים אשר מגיע אלהם כמעשה הרשעים ויש רשעים שמגיע אלהם כמעשה הצדיקים אמרתי שגם זה הבל׃

כי את כל זה נתתי אל לבי ולבור את כל זה אשר הצדיקים והחכמים ועבדיהם ביד האלהים גם אהבה גם שנאה אין יודע האדם הכל לפניהם׃

זה רע בכל אשר נעשה תחת השמש כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

מה נמרצו אמרי ישר ומה יוכיח הוכח מכם׃

אף על יתום תפילו ותכרו על ריעכם׃

שבו נא אל תהי עולה ושבי עוד צדקי בה׃

ואולם אתם טפלי שקר רפאי אלל כלכם׃

שמעו נא תוכחתי ורבות שפתי הקשיבו׃

הפניו תשאון אם לאל תריבון׃

הקץ לדברי רוח או מה ימריצך כי תענה׃

אם לא התלים עמדי ובהמרותם תלן עיני׃

עד אנה תוגיון נפשי ותדכאונני במלים׃

זה עשר פעמים תכלימוני לא תבשו תהכרו לי׃

שאוני ואנכי אדבר ואחר דברי תלעיג׃

מה עזרת ללא כח הושעת זרוע לא עז׃

את מי הגדת מלין ונשמת מי יצאה ממך׃