ברכו יהוה מלאכיו גברי כח עשי דברו לשמע בקול דברו׃

ברכו יהוה כל צבאיו משרתיו עשי רצונו׃

הללוהו כל מלאכיו הללוהו כל צבאו׃

הללוהו שמי השמים והמים אשר מעל השמים׃

שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר׃

נהר די נור נגד ונפק מן קדמוהי אלף אלפים ישמשונה ורבו רבון קדמוהי יקומון דינא יתב וספרין פתיחו׃

או היחשב לבך כי לא יכלתי לשאל עתה מאת אבי והוא יצוה לי יותר משנים עשר לגיונות של מלאכים׃

וארא ואשמע קול מלאכים רבים סביב לכסא ולחיות ולזקנים מספרם רבו רבבות ואלפי אלפים׃

המימיך צוית בקר ידעתה שחר מקמו׃

לאחז בכנפות הארץ וינערו רשעים ממנה׃

ויאמר אלהים יהי אור ויהי אור׃

ויקרא אלהים לאור יום ולחשך קרא לילה ויהי ערב ויהי בקר יום אחד׃

ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים׃

ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים׃

בכל הארץ יצא קום ובקצה תבל מליהם לשמש שם אהל בהם׃

מקצה השמים מוצאו ותקופתו על קצותם ואין נסתר מחמתו׃

למען תהיו בנים לאביכם שבשמים אשר הוא מזריח שמשו לרעים ולטובים וממטיר על הצדיקים וגם על הרשעים׃

בו היו חיים והחיים היו אור בני האדם׃

האור האמתי המאיר לכל אדם היה בא אל העולם׃

כל מתנה טובה וכל מנחה שלמה תרד ממעל מאת אבי האורות אשר חלוף וכל צל שנוי אין עמו׃