ערום הלכו בלי לבוש ורעבים נשאו עמר׃

כי תחבל אחיך חנם ובגדי ערומים תפשיט׃

אם אראה אובד מבלי לבוש ואין כסות לאביון׃

אם לא ברכוני חלצו ומגז כבשי יתחמם׃

אם חבל תחבל שלמת רעך עד בא השמש תשיבנו לו׃

כי הוא כסותה לבדה הוא שמלתו לערו במה ישכב והיה כי יצעק אלי ושמעתי כי חנון אני׃

בחוץ תעמד והאיש אשר אתה נשה בו יוציא אליך את העבוט החוצה׃

השב תשיב לו את העבוט כבא השמש ושכב בשלמתו וברכך ולך תהיה צדקה לפני יהוה אלהיך׃

הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

ויהי שלום לקהלות בכל מקמות יהודה והגליל ושמרון ותבנינה ותתהלכנה ביראת האדון ותרבינה בנחמת רוח הקדש׃

הייתי ביום אכלני חרב וקרח בלילה ותדד שנתי מעיני׃

לא תירא לביתה משלג כי כל ביתה לבש שנים׃