אחי בגדו כמו נחל כאפיק נחלים יעברו׃

בעת יזרבו נצמתו בחמו נדעכו ממקומם׃

זה ימות בעצם תמו כלו שלאנן ושליו׃

והוא לקברות יובל ועל גדיש ישקוד׃

ואיך תנחמוני הבל ותשובתיכם נשאר מעל׃

כצאן לשאול שתו מות ירעם וירדו בם ישרים לבקר וצירם לבלות שאול מזבל לו׃

כמו שבלול תמס יהלך נפל אשת בל חזו שמש׃

בטרם יבינו סירתיכם אטד כמו חי כמו חרון ישערנו׃

כהנדף עשן תנדף כהמס דונג מפני אש יאבדו רשעים מפני אלהים׃

ברעתו ידחה רשע וחסה במותו צדיק׃

כי מי אשר יבחר אל כל החיים יש בטחון כי לכלב חי הוא טוב מן האריה המת׃

גם אהבתם גם שנאתם גם קנאתם כבר אבדה וחלק אין להם עוד לעולם בכל אשר נעשה תחת השמש׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

ויהי כאשר מת האביון ויובל על ידי המלאכים אל חיק אברהם וימת גם העשיר ויקבר׃