ימאסו כמו מים יתהלכו למו ידרך חצו כמו יתמללו׃

אך בחלקות תשית למו הפלתם למשואות׃

כחלום מהקיץ אדני בעיר צלמם תבזה׃

עברי ארצך כיאר בת תרשיש אין מזח עוד׃

ארור אתה בעיר וארור אתה בשדה׃

ארור פרי בטנך ופרי אדמתך שגר אלפיך ועשתרות צאנך׃

ישלח יהוה בך את המארה את המהומה ואת המגערת בכל משלח ידך אשר תעשה עד השמדך ועד אבדך מהר מפני רע מעלליך אשר עזבתני׃

יהי שלחנם לפניהם לפח ולשלומים למוקש׃

מארת יהוה בבית רשע ונוה צדיקים יברך׃

אם לא תשמעו ואם לא תשימו על לב לתת כבוד לשמי אמר יהוה צבאות ושלחתי בכם את המארה וארותי את ברכותיכם וגם ארותיה כי אינכם שמים על לב׃