אם חטאת מה תפעל בו ורבו פשעיך מה תעשה לו׃

לאיש כמוך רשעך ולבן אדם צדקתך׃

אמרת ליהוה אדני אתה טובתי בל עליך׃

ככה גם אתם אחרי עשותכם את כל אשר צויתם אמרו עבדים אין מועיל בם אנחנו כי רק את המטל עלינו לעשות עשינו׃

מה שדי כי נעבדנו ומה נועיל כי נפגע בו׃

לשמר את מצות יהוה ואת חקתיו אשר אנכי מצוך היום לטוב לך׃

אשרי אדם מצא חכמה ואדם יפיק תבונה׃

יקרה היא מפניים וכל חפציך לא ישוו בה׃

דרכיה דרכי נעם וכל נתיבותיה שלום׃

ראשית חכמה קנה חכמה ובכל קנינך קנה בינה׃

תתן לראשך לוית חן עטרת תפארת תמגנך׃

אם חכמת חכמת לך ולצת לבדך תשא׃

טובה חכמה עם נחלה ויתר לראי השמש׃

כי בצל החכמה בצל הכסף ויתרון דעת החכמה תחיה בעליה׃

ואם תכשילך עין ימינך נקר אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃

אל תתעו לא יתן אלהים להתל בו כי מה שזרע האדם אתו יקצר׃

הזרע בבשרו יקצר כליון משברו והזרע ברוח יקצר מן הרוח חיי עולם׃