העלה נדף תערוץ ואת קש יבש תרדף׃

וברב גאונך תהרס קמיך תשלח חרנך יאכלמו כקש׃

לא כן הרשעים כי אם כמץ אשר תדפנו רוח׃

יהיו כמץ לפני רוח ומלאך יהוה דוחה׃

אלהי שיתמו כגלגל כקש לפני רוח׃

לכן כאכל קש לשון אש וחשש להבה ירפה שרשם כמק יהיה ופרחם כאבק יעלה כי מאסו את תורת יהוה צבאות ואת אמרת קדוש ישראל נאצו׃

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה׃

והיה כאבק דק המון זריך וכמץ עבר המון עריצים והיה לפתע פתאם׃

אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם׃

הנה שמתיך למורג חרוץ חדש בעל פיפיות תדוש הרים ותדק וגבעות כמץ תשים׃

תזרם ורוח תשאם וסערה תפיץ אותם ואתה תגיל ביהוה בקדוש ישראל תתהלל׃

ואפיצם כקש עובר לרוח מדבר׃

לכן יהיו כענן בקר וכטל משכים הלך כמץ יסער מגרן וכעשן מארבה׃

כי עד סירים סבכים וכסבאם סבואים אכלו כקש יבש מלא׃

אשר בידו המזרה וזרה את גרנו ואסף את דגנו אל אוצרו ואת המץ ישרפנו באש אשר לא תכבה׃