ויאמרו הבה נבנה לנו עיר ומגדל וראשו בשמים ונעשה לנו שם פן נפוץ על פני כל הארץ׃

ואתה אמרת בלבבך השמים אעלה ממעל לכוכבי אל ארים כסאי ואשב בהר מועד בירכתי צפון׃

אעלה על במתי עב אדמה לעליון׃

רבה אילנא ותקף ורומה ימטא לשמיא וחזותה לסוף כל ארעא׃

אנתה הוא מלכא די רבית ותקפת ורבותך רבת ומטת לשמיא ושלטנך לסוף ארעא׃

אם יחתרו בשאול משם ידי תקחם ואם יעלו השמים משם אורידם׃

זדון לבך השיאך שכני בחגוי סלע מרום שבתו אמר בלבו מי יורדני ארץ׃

אם תגביה כנשר ואם בין כוכבים שים קנך משם אורידך נאם יהוה׃

ואת כפר נחום המרוממה עד השמים עד שאול תורדי כי הגבורות אשר נעשו בתוכך לו בסדום נעשו כי עתה עמדה על תלה עד היום הזה׃