גם אנכי ככם אדברה לו יש נפשכם תחת נפשי אחבירה עליכם במלים ואניעה עליכם במו ראשי׃

שחק לרעהו אהיה קרא לאלוה ויענהו שחוק צדיק תמים׃

לפיד בוז לעשתות שאנן נכון למועדי רגל׃

אם לא התלים עמדי ובהמרותם תלן עיני׃

תחת אהבתי ישטנוני ואני תפלה׃

אשפך לפניו שיחי צרתי לפניו אגיד׃

וישר אל מלאך ויכל בכה ויתחנן לו בית אל ימצאנו ושם ידבר עמנו׃

ויהוה אלהי הצבאות יהוה זכרו׃

והמה נמלאו חמה ויוסדו יחד מה לעשות לישוע׃

ויהי בימים ההם ויצא ההרה להתפלל ויעמד כל הלילה בתפלה לאלהים׃

אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃