כי נטה אל אל ידו ואל שדי יתגבר׃

כי כסה פניו בחלבו ויעש פימה עלי כסל׃

חכם לבב ואמיץ כח מי הקשה אליו וישלם׃

יען מחשבת הבשר רק שנאת אלהים היא באשר לא תשתעבד לתורת האלהים ואף איננה יכולה׃

ואשר המה בבשר לא יוכלו להיות רצוים לאלהים׃

הטוב לך כי תעשק כי תמאס יגיע כפיך ועל עצת רשעים הופעת׃

ישליו אהלים לשדדים ובטחות למרגיזי אל לאשר הביא אלוה בידו׃

נצר לשונך מרע ושפתיך מדבר מרמה׃

חזקו עלי דבריכם אמר יהוה ואמרתם מה נדברנו עליך׃

איש מכם אם ידמה להיות עבד אלהים ואיננו שם רסן ללשנו כי אם מתעה הוא את לבבו עבדתו אך לריק תהיה׃

כי כלנו מרבים להכשל ואשר לא יכשל בדבור הוא איש תמים וביכלתו לשום רסן גם לכל גופו׃

והנה האניות אף כי גדלות הנה ורוחות קשות יהדפום ינהג אתן משוט קטן אל כל אשר יחפץ החבל כן גם הלשון אבר קטן היא וגדלות תדבר׃

כן הלשון נצבת בין אברינו המגאלת את כל הגוף ומלהטת את גלגל הויתנו והיא להוטה באש גיהנם׃