גם לי לבב כמוכם לא נפל אנכי מכם ואת מי אין כמו אלה׃

הבסוד אלוה תשמע ותגרע אליך חכמה׃

מה ידעת ולא נדע תבין ולא עמנו הוא׃

איוב לא בדעת ידבר ודבריו לא בהשכיל׃

ואיוב הבל יפצה פיהו בבלי דעת מלין יכבר׃

שמעו שמוע ברגז קלו והגה מפיו יצא׃

הן קלתי מה אשיבך ידי שמתי למו פי׃

אחת דברתי ולא אענה ושתים ולא אוסיף׃

ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשני רעיך כי לא דברתם אלי נכונה כעבדי איוב׃

ועל דבר זבחי האלילים ידענו שיש דעה לכלנו הדעת תגביה לב והאהבה היא הבונה׃

החשב כי הוא ידע דבר מה עוד לא ידע מאומה כאשר עליו לדעת אתו׃

כי אם יבא הבא והגיד לכם ישוע אחר אשר לא הגדנהו או אם תקחו רוח אחר אשר לא לקחתם אתו או בשורה אחרת אשר לא קבלתם אתה כי עתה היטב תשאהו׃

אולם אחשב אשר אינני נפל במאומה מהשליחים הגדולים כל כך׃

ואשוב ואמר אל נא יחשבני איש לסכל ואם אין אף כסכל קבלוני למען אתהלל מעט גם אני׃

רבים מתהללים לפי הבשר לכן אתהלל אף אני׃

סכל הייתי בהתהללי אתם הכרחתם אתי תחת אשר היה עליכם להזכירני לשבח כי לא נפל אנכי במאומה מן השליחים הגדולים כל כך אף כי כאין אנכי׃