זכרו אבד מני ארץ ולא שם לו על פני חוץ׃

ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים׃

פני יהוה בעשי רע להכרית מארץ זכרם׃

ואתה יהוה לעולם תשב וזכרך לדר ודר׃

יהיו נגד יהוה תמיד ויכרת מארץ זכרם׃

זכר צדיק לברכה ושם רשעים ירקב׃

מתים בל יחיו רפאים בל יקמו לכן פקדת ותשמידם ותאבד כל זכר למו׃

ויען אברהם ויאמר הנה נא הואלתי לדבר אל אדני ואנכי עפר ואפר׃

אף שכני בתי חמר אשר בעפר יסודם ידכאום לפני עש׃

וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה׃

הן ידענו כי בהרס בית אהלנו אשר בארץ יש לנו בנין מאת האלהים בית אשר איננו מעשה ידים והוא לעולם בשמים׃