ביום השביעי כטוב לב המלך ביין אמר למהומן בזתא חרבונא בגתא ואבגתא זתר וכרכס שבעת הסריסים המשרתים את פני המלך אחשורוש׃

עודם מדברים עמו וסריסי המלך הגיעו ויבהלו להביא את המן אל המשתה אשר עשתה אסתר׃

וישא פניו אל החלון ויאמר מי אתי מי וישקיפו אליו שנים שלשה סריסים׃

ותאמר לו זרש אשתו וכל אהביו יעשו עץ גבה חמשים אמה ובבקר אמר למלך ויתלו את מרדכי עליו ובא עם המלך אל המשתה שמח וייטב הדבר לפני המן ויעש העץ׃

תשיגהו כמים בלהות לילה גנבתו סופה׃

וישלך עליו ולא יחמל מידו ברוח יברח׃

בור כרה ויחפרהו ויפל בשחת יפעל׃

ישוב עמלו בראשו ועל קדקדו חמסו ירד׃

תבואהו שואה לא ידע ורשתו אשר טמן תלכדו בשואה יפל בה׃

יפלו במכמריו רשעים יחד אנכי עד אעבור׃

צדקת תמים תישר דרכו וברשעתו יפל רשע׃

צדקת ישרים תצילם ובהות בגדים ילכדו׃

בימים ההם ומרדכי ישב בשער המלך קצף בגתן ותרש שני סריסי המלך משמרי הסף ויבקשו לשלח יד במלך אחשורש׃

ויבקש הדבר וימצא ויתלו שניהם על עץ ויכתב בספר דברי הימים לפני המלך׃

וימצא כתוב אשר הגיד מרדכי על בגתנא ותרש שני סריסי המלך משמרי הסף אשר בקשו לשלח יד במלך אחשורוש׃

ובבאה לפני המלך אמר עם הספר ישוב מחשבתו הרעה אשר חשב על היהודים על ראשו ותלו אתו ואת בניו על העץ׃

וירץ דוד ויעמד אל הפלשתי ויקח את חרבו וישלפה מתערה וימתתהו ויכרת בה את ראשו ויראו הפלשתים כי מת גבורם וינסו׃

בור כרה ויחפרהו ויפל בשחת יפעל׃

ישוב עמלו בראשו ועל קדקדו חמסו ירד׃

טבעו גוים בשחת עשו ברשת זו טמנו נלכדה רגלם׃

נודע יהוה משפט עשה בפעל כפיו נוקש רשע הגיון סלה׃

תבואהו שואה לא ידע ורשתו אשר טמן תלכדו בשואה יפל בה׃

ראיתי רשע עריץ ומתערה כאזרח רענן׃

ויעבר והנה איננו ואבקשהו ולא נמצא׃

איך היו לשמה כרגע ספו תמו מן בלהות׃

צדקת תמים תישר דרכו וברשעתו יפל רשע׃

צדקת ישרים תצילם ובהות בגדים ילכדו׃

אתיעטו כל סרכי מלכותא סגניא ואחשדרפניא הדבריא ופחותא לקימה קים מלכא ולתקפה אסר די כל די יבעה בעו מן כל אלה ואנש עד יומין תלתין להן מנך מלכא יתרמא לגב אריותא׃

ואמר מלכא והיתיו גבריא אלך די אכלו קרצוהי די דניאל ולגב אריותא רמו אנון בניהון ונשיהון ולא מטו לארעית גבא עד די שלטו בהון אריותא וכל גרמיהון הדקו׃