Ester 1:1
ויהי בימי אחשורוש הוא אחשורוש המלך מהדו ועד כוש שבע ועשרים ומאה מדינה׃
Ester 1:2
בימים ההם כשבת המלך אחשורוש על כסא מלכותו אשר בשושן הבירה׃
Ester 2:12-14
12
ובהגיע תר נערה ונערה לבוא אל המלך אחשורוש מקץ היות לה כדת הנשים שנים עשר חדש כי כן ימלאו ימי מרוקיהן ששה חדשים בשמן המר וששה חדשים בבשמים ובתמרוקי הנשים׃
13
ובזה הנערה באה אל המלך את כל אשר תאמר ינתן לה לבוא עמה מבית הנשים עד בית המלך׃
14
בערב היא באה ובבקר היא שבה אל בית הנשים שני אל יד שעשגז סריס המלך שמר הפילגשים לא תבוא עוד אל המלך כי אם חפץ בה המלך ונקראה בשם׃
Esaïe 3:18-23
18
ביום ההוא יסיר אדני את תפארת העכסים והשביסים והשהרנים׃
19
הנטפות והשרות והרעלות׃
20
הפארים והצעדות והקשרים ובתי הנפש והלחשים׃
21
הטבעות ונזמי האף׃
22
המחלצות והמעטפות והמטפחות והחריטים׃
23
הגלינים והסדינים והצניפות והרדידים׃