Génèse 32:13-20
13
וילן שם בלילה ההוא ויקח מן הבא בידו מנחה לעשו אחיו׃
14
עזים מאתים ותישים עשרים רחלים מאתים ואילים עשרים׃
15
גמלים מיניקות ובניהם שלשים פרות ארבעים ופרים עשרה אתנת עשרים ועירם עשרה׃
16
ויתן ביד עבדיו עדר עדר לבדו ויאמר אל עבדיו עברו לפני ורוח תשימו בין עדר ובין עדר׃
17
ויצו את הראשון לאמר כי יפגשך עשו אחי ושאלך לאמר למי אתה ואנה תלך ולמי אלה לפניך׃
18
ואמרת לעבדך ליעקב מנחה הוא שלוחה לאדני לעשו והנה גם הוא אחרינו׃
19
ויצו גם את השני גם את השלישי גם את כל ההלכים אחרי העדרים לאמר כדבר הזה תדברון אל עשו במצאכם אתו׃
20
ואמרתם גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישא פני׃
2 Chroniques 32:2-8
2
וירא יחזקיהו כי בא סנחריב ופניו למלחמה על ירושלם׃
3
ויועץ עם שריו וגבריו לסתום את מימי העינות אשר מחוץ לעיר ויעזרוהו׃
4
ויקבצו עם רב ויסתמו את כל המעינות ואת הנחל השוטף בתוך הארץ לאמר למה יבואו מלכי אשור ומצאו מים רבים׃
5
ויתחזק ויבן את כל החומה הפרוצה ויעל על המגדלות ולחוצה החומה אחרת ויחזק את המלוא עיר דויד ויעש שלח לרב ומגנים׃
6
ויתן שרי מלחמות על העם ויקבצם אליו אל רחוב שער העיר וידבר על לבבם לאמר׃
7
חזקו ואמצו אל תיראו ואל תחתו מפני מלך אשור ומלפני כל ההמון אשר עמו כי עמנו רב מעמו׃
8
עמו זרוע בשר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃
Psaumes 112:5
טוב איש חונן ומלוה יכלכל דבריו במשפט׃
Matthieu 10:16
הנני שלח אתכם ככבשים בין הזאבים לכן היו ערומים כנחשים ותמימים כיונים׃
1 Corinthiens 14:20
אחי אל תהיו ילדים בבינה רק לרע היו עללים ובבינה היו שלמים׃
Néhémie 4:17
הבונים בחומה והנשאים בסבל עמשים באחת ידו עשה במלאכה ואחת מחזקת השלח׃
Néhémie 4:18
והבונים איש חרבו אסורים על מתניו ובונים והתוקע בשופר אצלי׃
Cantique des Cantiques 3:7
הנה מטתו שלשלמה ששים גברים סביב לה מגברי ישראל׃
Cantique des Cantiques 3:8
כלם אחזי חרב מלמדי מלחמה איש חרבו על ירכו מפחד בלילות׃
Ephésiens 6:11-20
11
לבשו כלי נשק אלהים למען תוכלו עמד נגד נכלי השטן׃
12
כי לא עם בשר ודם מלחמתנו כי עם שרים ושליטים עם המשלים בחשכת העולם הזה עם הרוחות הרעות אשר במרומים׃
13
על כן אחזו בכלי נשק אלהים למען תוכלו לקום ביום הרע ולמלא צבאכם ולעמוד׃
14
עמדו נא חגורי מתנים באמת ומלבשים בשריון הצדק׃
15
ורגליכם מנעלות להיותכם מוכנים לבשורת השלום׃
16
ועל כל אלה תפשו את מגן האמונה אשר תוכלו לכבות בו את חצי הרשע הבערים׃
17
וקחו את כובע הישועה וחרב הרוח שהיא דבר האלהים׃
18
והתפללו תמיד בכל עת בתפלה ותחנונים ברוח ושקדו והתאמצו על זאת להעתיר תמיד בעד כל הקדשים׃
19
וגם בעדי למען ינתן לי הדבר בפתחי פי להגיד בבטחון את סוד הבשורה אשר אנכי ציר לה במוסרות׃
20
למען אדבר בה בבטחה כאשר מטל עלי לדבר׃